நகைச்சுவை உருவாகும் விதங்களில் ஒருவிதம்...

ஒருவர் தனது குடும்ப உறுப்பினர்களைப்பற்றி தனது நண்பரிடமோ அல்லது வேறு உறவினரிடமோ புகார் கூறுகிறார்... அந்தப் புகாரில் உண்மையிருக்கும்... அதைக் கேட்கும் நண்பரோ உறவினரோ அவர்களது குடும்ப உறுப்பினர் பற்றி மிகைப்படுத்தி புகாரை ( அதில் உண்மையிருக்காது ) கூறினால் அதில் நகைச்சுவை இருக்கும்.

உதாரணங்கள் நிறைய சொல்லலாம்... சிலவற்றை ஜோக்காக உதிர்க்கிறேன்...👇

" என்னோட எட்டு வயசு பையன் வகுப்புல எப்ப பார்த்தாலும் நகத்தை கடிச்சிட்டேயிருக்கான்... என்ன செய்றதுன்னே தெரியலே...!? "

" என்னோட பையன் வகுப்புல பக்கத்துல உள்ள பையன் நகத்தையும் சேர்த்து கடிக்கறானே...! "

---------------------------------------------

" என்னோட வீட்டுக்காரரு ஒரு வேலையும் செய்ய மாட்டேன்ங்கறாரு... எப்ப பார்த்தாலும் டிவி முன்னாடியே உட்கார்ந்திருக்காரு...!? "

" எங்க வீட்டுல ஒரு வாரமா டிவி ரிப்பேர்... அப்படியிருந்தும் என் வீட்டுக்காரரு டிவி முன்னாடியே உட்கார்ந்திருக்காரே...! "

---------------------------------------------

" எங்கப்பா சரியான கஞ்சனாயிருக்காரு...

பள்ளிக்கூடம் போயிட்டு வர ஒரு சைக்கிள் கூட வாங்கித்தர மாட்டேன்ங்கறாரு...! "

" உங்கப்பா பரவாயில்லை... எங்கப்பா சைக்கிள் வாங்கிக் கொடுத்துட்டாரு... டயருக்கு காத்தடைக்க ரூபா கேட்டா வாய வச்சு ஊதியே அடைக்க சொல்றாரு...! "

---------------------------------------------

--லட்சுமி ஆவுடைநாயகம்,

மடிப்பாக்கம்.