தேர்தல் களம்...

🤷🏻‍♂️🤷🏻‍♂️

நாளை நன்மையாய்

புலருமென்றே;

நாள்தோறும் காத்திருக்கிறோம்! 

நாம் மட்டுமா? 

கருமேகம் கிழித்து

செஞ்சுடரோன் உதிக்குமெனெக்கென

பட்டத்தரசர் காத்திருக்கும் வேடிக்கை:

காலத்தில் பூக்காத மல்லி தனக்கில்லை

எனினும் 

தனயனுக்காவது கிட்டாதா;

விடாயில் வேந்தன்:

நம்பிக்கையற்ற நம்பிக்கையில்

பம்மும் பழைய பங்காளி

இலையுதிர் காலம் முடிந்து

வசந்தம் வருகுது என

நாடற்ற ராசன் 

நாட்டமுடன் பார்த்திருக்க:

சமாதியில் கையடித்து சபதம் செய்து கொற்றவை 

சத்தமின்றி சமாதானக் கொடி ஏந்த:

தமிழ் பொய்கையில் 

தாமரை மலருமென ஒற்றைக்காலில்

கண்மூடி

சரவணபொய்கையில் தவமிருக்கும் வெகுதூர பறவை:

பானை பழையது என்றாலும்

பால் பொங்கி வந்து

தனக்கொரு கவளத்தில்

மீசை நனையும் என்ற கனவில் 

சிறுத்தை

மாம்பழம் ஒன்றுக்கு

தந்தையும் தனயனும் பங்காளியான விந்தை:

நடுத்தெருவில்

கை வீசி

புருவம் உயர்த்தி 

நாடகம் நடத்தும் நடிகன்:

நாம் தமிழர் குரல் ஓங்கி ஒலித்து

தமிழர் செவியில் ஏறிடுமா?

போர் முரசு ஒலிக்கும்

நேரம் விரைவில்

வெற்றி முரசொலி 

எட்டு திக்கும் கேட்கும்; நிச்சயம்

எவர் முரசு ஒலிக்கும்?

எக்காளம் எவர் கையில் உயரும்?

சசிகலா விஸ்வநாதன்