வாசகர் கடிதம் (ஸ்ரீகாந்த்) 21.07.25

மடிப்பாக்கம் லட்சுமி ஆவுடை நாயகம் " சிவ பூஜையில் கரடி" என்பதன் உண்மையான அர்த்தம் , அந்தக்கால மன்னர்கள் அரியணை ஏறும் முன் சிவபூஜை செய்யும் போது எந்தவித இடையூறும் நேராதிருக்க " கரடிகை" எனும் இசைக்கருவியை பயன்படுத்தியதாகவும், கம்ப ராமாயணம் பாடலைச் சான்றாக குறிப்பிட்டதும் அருமை. கரடிகை என்பதில்" கை" யை கை விட்டதால் "சிவ பூஜையில் கரடி" என்றால் "இடைஞ்சல் " எனத் தவறாகப் பொருள் கொள்ளப்பட்டதாம். அரூர் மதிவாணன் எழுதிய " போலித் தோற்றங்கள்" அந்த பேருந்து நடத்துனர் ரங்கநாதன் போல வெளியுலகில் நல்லவராக இருப்போரின், " உண்மை முகம் " வீட்டில் வெளிப்படும் என்பதை உணர்த்தியது. உடலின் பிரதான பாகங்களை ஆரோக்கியமாக வைப்பதில் "லிச்சி " பழம் முலிடம் வகிக்கிறது. சளி காய்ச்சல் இருமல் போன்ற பொதுவான நோய்களுக்கு எதிராகப் போராடி உடலுக்கு தேவையான பாதுகாப்பு அளிப்பதுடன், நோய் தொற்று ஏற்படாமல் தடுக்கவும், லிச்சி பழம் உதவுவதாக "நலம் தரும் மருத்துவம்" மூலம் அறிந்தேன்.

ஸ்ரீகாந்த்

திருச்சி