நுங்கம்பாக்கம் கல்லூரி பாதை இனி ஜெய்சங்கர் சாலை என பெயர் மாற்ற அனுமதி - அரசாணை வெளியீடு

சென்னை,

சென்னை நுங்கம்பாக்கத்தில் உள்ள கல்லூரி பாதையின் (College lane) பெயரை 'ஜெய்சங்கர் சாலை' என்று மாற்றம் செய்ய அனுமதி அளித்து தமிழ்நாடு அரசு அரசாணை வெளியிட்டுள்ளது.

சென்னை, நுங்கம்பாக்கம் கல்லூரி பாதையை 'ஜெய்சங்கர் சாலை' என மாற்ற மாநகராட்சி ஆணையருக்கு அனுமதி அளிக்கப்பட்டுள்ளது. இந்த கல்லூரிப் பாதையில் நடிகர் ஜெய்சங்கர் 1964 - 2000 வரை வசித்து வந்தார். இந்த நிலையில், நடிகர் ஜெய்சங்கரின் மகன் விஜய் சங்கர் முதல்-அமைச்சர் மு. க. ஸ்டாலினிடம் இது குறித்து கோரிக்கை விடுத்திருந்த நிலையில், சாலைக்கு பெயர் மாற்ற மாநகராட்சி ஆணையருக்கு அனுமதி வழங்கி அரசாணை வெளியிடப்பட்டுள்ளது.

ஓணம் பண்டிகையை முன்னிட்டு சிறப்பு ரெயில்கள் அறிவிப்பு 

ஓணம் பண்டிகையை முன்னிட்டு, சென்னை சென்டிரல்-கண்ணூர், பெங்களூரு-கண்ணூர் இடையே சிறப்பு ரெயில்கள் இயக்கப்பட உள்ளது.

சென்னை,

ஓணம் பண்டிகையை முன்னிட்டு, சென்னை சென்டிரல்-கண்ணூர், பெங்களூரு-கண்ணூர் இடையே சிறப்பு ரெயில்கள் இயக்கப்பட உள்ளது.

இதுகுறித்து தெற்கு ரெயில்வே வெளியிட்டுள்ள செய்திக்குறிப்பில் கூறியிருப்பதாவது:-

சென்னை சென்டிரலில் இருந்து நாளை(வியாழக்கிழமை) இரவு 11.55 மணிக்கு புறப்பட்டு கேரள மாநிலம் கண்ணூர் செல்லும் ஒரு வழி சிறப்பு ரெயில்(வண்டி எண்.06009), மறுநாள் மதியம் 2 மணிக்கு கண்ணூர் சென்றடையும்.

இதேபோல, கண்ணூரில் இருந்து வரும் 29-ந்தேதி இரவு 9.30 மணிக்கு புறப்பட்டு பெங்களூரு செல்லும் சிறப்பு ரெயில்(06125), போத்தனூர், திருப்பூர், ஈரோடு, சேலம் வழியாக மறுநாள் காலை 11 மணிக்கு பெங்களூரு சென்றடையும். மறுமார்க்கமாக, பெங்களூருவில் இருந்து வரும் 30-ந்தேதி இரவு 7 மணிக்கு புறப்பட்டு கண்ணூர் செல்லும் சிறப்பு ரெயில்(06126), இதே வழித்தடம் வழியாக மறுநாள் காலை 7.15 மணிக்கு கண்ணூர் சென்றடையும்" இவ்வாறு அதில் கூறப்பட்டுள்ளது.