சென்னையில் ரூ.15 லட்சம் வரை பேரம் பேசி குழந்தையை விற்க முயற்சி: 3 பெண்கள் கைது - 3 குழந்தைகளை மீட்ட போலீஸார்

சென்னை:

புழல் பகு​தி​யில் பெண்​கள் சிலர் குழந்​தைகளை விற்​பனை செய்ய முயல்​வ​தாக போலீ​ஸாருக்கு ரகசிய தகவல் கிடைத்​து. எனவே புழல் போலீ​ஸார் கண்​காணிப்பை தீவிரப்​படுத்​தினர்.

இந்​நிலை​யில் புழல் பகு​தி​யைச் சேர்ந்த கார்த்​திக் என்​பவர், தங்​கள் பகு​தி​யில் பெண்​கள் 3 பேர் இரண்​டரை வயது குழந்தை ஒன்றை ரூ.10 லட்​சம் முதல் ரூ.15 லட்​சம் வரை விலை வைத்து விற்​பனை செய்ய முயல்​வ​தாக கூறி​னார்.

இதையடுத்து சூரப்​பட்​டைச் சேர்ந்த தீபா (38), அம்​பத்​தூரைச் சேர்ந்த வித்யா (36), தண்​டை​யார்​ பேட்​டையைச் சேர்ந்த ரதி தேவி (35) ஆகிய 3 பேரை போலீ​ஸார் பிடித்து விசா​ரித்​தனர். இதில் ரதிதே​வி​யின் குழந்​தையை விற்​பனை செய்ய வித்​யா, தீபா கூட்டு சேர்ந்து முயன்​றது தெரிய​வந்​தது.

எனவே ரதிதேவி உட்பட 3 பெண்​களை​யும் போலீ​ஸார் கைது செய்​தனர். அவர்​களிட​மிருந்​து, இரண்​டரை வயது குழந்தை மீட்கப்பட்​டது. இதுகுறித்து போலீ​ஸார் கூறுகை​யில், “கைது செய்​யப்​பட்ட ரதிதேவி கணவரைப் பிரிந்து வாழ்​கிறார். அவருக்கு இரண்​டரை வயதில் குழந்தை உள்​ளது. இதை கவனித்​துக் கொள்ள முடி​யாமல் திணறி​யுள்​ளார்.

இது தொடர்​பாக தனது தோழி வித்​யா​விடம் கூறி அழுதுள்​ளார். அவர் தீபா​விடம் கூறி இது தொடர்​பாக ஆலோ​சித்​துள்​ளனர். இதையடுத்​து, குழந்​தையை பணத்​துக்கு விற்​பனை செய்ய முடிவு செய்​துள்​ளனர்.

அதன்​படி ரூ.10 லட்​சம் முதல் ரூ.15 லட்​சம் வரை விலை வைத்து விற்​பனை செய்ய, நண்​ப​ரான கார்த்​திக்கை தொடர்பு கொண்டுள்ளனர். அவருக்கு இதில் உடன்​பாடு இல்​லாத​தால் போலீ​ஸாருக்கு தகவல் தெரி​வித்​துள்​ளார்.

இதையடுத்து இரண்​டரை வயது குழந்தை மீட்​கப்​பட்​டதோடு மேலும் அவர்​களிட​மிருந்து 2 குழந்​தைகள் மீட்​கப்​பட்​டுள்​ளன. அவர்களும் விற்​பனைக்​காக கொண்டு வரப்​பட்​ட​வர்​களா என தொடர்ந்து வி​சா​ரித்​து வரு​கிறோம்​” என போலீஸார் தெரிவித்தனர்.