Breaking News
Dec 10 2025
154
கவிஞர் இரா .இரவி !
எட்டயபுரத்தில் பிறந்து
எட்டாத உயரம் எட்டியவன்
பாரதி !
சிட்டுக்குருவிகளின் நேசன்
சின்னச்சாமியின் செல்ல மகன்
பாரதி !
முறுக்கு மீசைக்காரன்
முத்தமிழுக்குச் சொந்தக்காரன்
பாரதி !
செந்தமிழ் அன்னையின் புதல்வன்
செல்லம்மாளின் அன்புக் கணவன்
பாரதி !
பரங்கியர் பாரதம் விட்டு
அகலக் காரணமானவன்
பாரதி !
பாரதம் சிறக்க பா பல பாடி
பா ரதம் செலுத்தியவன்
பாரதி !
அச்சம் அறியாதவன்
உச்சம் அடைந்தவன்
பாரதி !
பன்மொழி அறிஞன்
பண் இசைப் பாடல் யாத்தவன்
பாரதி !
மற்ற மொழிகள் அறிந்திருந்தும்
மட்டற்ற தமிழை நேசித்தவன்
பாரதி !
கவிதை நாயகி கண்ணம்மாவை
கண் முன்னே கொண்டு வந்தவன்
பாரதி !
பள்ளியாசிரியராக இருந்தவன்
பள்ளியின் பாடநூலில் இடம் பெற்றவன்
பாரதி !
இயற்கையை ரசித்தவன்
இன்பக்கவி தந்தவன்
பாரதி !
பாப்பா பாடல் பாடியவன்
பாப்பாக்கள் உள்ளம் நிறைந்தவன்
பாரதி !
காலத்தால் அழியாத கவிதைகள்
கல்வெட்டாக பதித்தவன்
பாரதி !
பெண்ணுரிமை பாடியவன்
பேதமையைச் சாடியவன்
பாரதி !
மூடநம்பிக்கைகளை வெறுத்தவன்
பகுத்தறிவைப் பயன்படுத்தியவன்
பாரதி !
உடலால் மறைந்திட்ட போதும்
பாடலால் என்றும் வாழ்பவன்
பாரதி !
.
மகாகவி பாரதி ! கவிஞர் இரா .இரவி
எழுதியபடி வாழ்ந்தவன்
வாழ்ந்தபடி எழுதியவன்
மகாகவி பாரதி !
புதுமைக்கும் மரபுக்கும்
பாலம் அமைத்தவன்
மகாகவி பாரதி !
விடுதலை விதையை
விருட்சமாக வளர்த்தவன்
மகாகவி பாரதி !
மற்றவரை மதித்தவன்
சுயமரியாதை மிக்கவன்
மகாகவி பாரதி !
வறுமையிலும் செம்மை
ஏழ்மையிலும் நேர்மை
மகாகவி பாரதி !
பா ரதம் செலுத்திய
பாக்களின் சாரதி
மகாகவி பாரதி !
பெண் விடுதலைக்கு
போர்முரசு கொட்டியவன்
மகாகவி பாரதி !
வாழ்வில் ஆசைப்பட்டவன்
பேராசைப்படாதவன்
மகாகவி பாரதி !
மூடப் பழக்கங்களுக்கு
மூடு விழா நடத்தியவன்
மகாகவி பாரதி !
பகுத்தறிவைப் பயன்படுத்தி
பாடல்கள் புனைந்தவன்
மகாகவி பாரதி !
அழியாத பாடல்கள்
அகிலத்திற்கு வழங்கியவன்
மகாகவி பாரதி !
வெள்ளையர்களை விரட்டிய
காரணிகளில் ஒன்றானவன்
மகாகவி பாரதி !
வாழ்ந்த காலம் முப்பத்தொன்பது
பாடல்களின் காலம் பல நூற்றாண்டு
மகாகவி பாரதி !
மொழிகள் பல பயின்றவன்
தமிழே சிறப்பு அறிவித்தவன்
மகாகவி பாரதி !
.
Related News
TODAY'S POLL
தேசிய ஓய்வூதிய முறையின் கீழ் கிடைக்கும் 'வரி சலுகைகள்' ஒருங்கிணைந்த ஓய்வூதிய திட்டத்திற்கும் பொருந்தும். இது ஒருங்கிணைந்த ஓய்வூதியத் திட்டத்தைத் தேர்வுசெய்ய ஊழியர்களை ஊக்குவிக்குமா?
