வாழ்வு பெறும்

மேகம் வானின் தட்டுகளோ- அது

கவிழ்ந்தால் மழையாய் கொட்டிடுமோ!

மேதினி மீதினில் பட்டிடுமோ- அதில் 

மேவும் நன்மைகள் கிட்டிடுமோ! 

ஏகும் பறவைகள் குரலெடுத்து 

ஏர்பிடி உழவர்கள் உழுது விட்டு

தாகம் எடுத்து குடிப்பனரோ-இனி 

தாக்கும் வெக்கையை அடிப்பனரோ!

சாகும்  உயிரினம் தனை காத்து  

சந்தம்  படிக்கிற குளிர் காத்து 

வாகாய் வளமதை தந்திடுமோ- இல்லை

வறட்சியினாலே வெந்திடுமோ?

ஈகும் மழையினை வான் மேகம்  

ஈன்றாள் தானே பசுமை பெறும்!

ஈங்கே மக்கள் மாடுகளும் -நல் 

ஈரத்தாலே  வாழ்வு பெறும்!

 மேகம் வானின்  தட்டுகளோ -அது 

கவிழ்ந்தால் மழையாய் கொட்டிடுமோ!

மேதினி மீதினில் பட்டிடுமோ- அதில் 

மேவும் நன்மைகள் கிட்டிடுமோ!?

 வெ.தமிழழகன் எம்ஏ.பிஎட்

சேலம்.