வாசகர் கடிதம் (ஸ்ரீகாந்த்)

அரூர் மதிவாணன் எழுதிய " நல்ல மனம் வாழ்க" - பூஜா, ராம்பிரகாஷிடம் தன் அக்காவைப் பெண் பார்க்க வந்து போன செலவின் கடனை அடைக்கத்தான் பணம் கேட்கப் போனாள், அவனோ, "இவள் அக்கா பரிமளாவைக் கட்டிக் கொள்ள " தன் அம்மாவிடம் சம்மதம் கேட்டது காதில் விழுந்தால், நமக்கும் " நல்ல மனம் வாழ்க" என்றுதானே சொல்லத் தோன்றும்.

பிரபாவதி எழுதிய " அடிப்படை நட்பு" அடுக்கு மாடி குடியிருப்புகளில் குடியிருப்போர் அருகிலுள்ளோரை அறியாமல் இருப்பதை உணர்த்தியதுடன், குறைப் பிரசவ சிக்கல்களையும் படம் பிடித்துக் காட்டியது. அந்த கால "நான்" படத்தில் தாய் நாகேஷ் , " ஏழரை மாசம் சுமந்து பெத்த எனக்குத் தெரியாதா, கொமட்ல குத்துவேன்" எனக் கூறும் வசனம் நினைவிற்கு வந்தது.

ஸ்ரீகாந்த்

திருச்சி