தவெக பிரச்சாரத்துக்கு சேலத்தில் அனுமதி மறுப்பு

சேலத்தில் டிசம்பர் 4 அன்று தமிழக வெற்றிக் கழக தலைவர் விஜய் நடத்த இருந்த பிரசாரப் பொதுக்கூட்டத்திற்கு காவல்துறை அனுமதி மறுத்துள்ளது. தவெக நிர்வாகிகள் சேலம் காவல் ஆணையரிடம் அனுமதி கோரி மனு அளித்திருந்த நிலையில், அது நிராகரிக்கப்பட்டுள்ளது. டிசம்பர் 3 ஆம் தேதி கார்த்திகை தீப விழா கொண்டாடப்படுவதால், டிசம்பர் 4 அன்று பிரச்சாரக் கூட்டத்திற்கு பாதுகாப்பு வழங்க முடியாது என்று காவல்துறை தெரிவித்துள்ளது. மேலும், டிசம்பர் 6ஆம் தேதி பாபர் மசூதி இடிப்பு தினம் என்பதால், அதற்கான முன்னெச்சரிக்கை பாதுகாப்பு ஏற்பாடுகளிலும் காவல்துறையினர் ஈடுபட வேண்டியுள்ளதாகக் கூறப்பட்டுள்ளது.