என் ஊர் பேருந்து

என் ஊர் பேருந்து

நொடிக்கு ஒன்று

வந்தும் -ஏற

வரவில்லை மனம் .

கூண்டு கிளியாய்

துடிக்கும்

கடிகாரத்தை போல்

உந்தன் பின்னலில்

பின்னால்

லயித்து கிடக்கிறது மனம் .

மணிக்கணக்கில்

ஒத்தை மரமாய்

நின்று தவிக்கிறேனடி

உன்னை

எந்தன் அத்தை மகளாக்க !

லேட்டா வரணும்ன்னு

வேண்டிகிட்ட இருக்கும் போதே

வேகமா வந்து தொலைந்தது

உன் ஊர் மினி பஸ்.

கண் கடக்கும் தூரம் வரை

ஏக்கமாய்

சாலைகளை பார்த்து தொலைத்தது

மனம் .

காலங்கள் கடந்தது

காதலும் தொலைந்தது .

கடல் கடந்து உழைத்து

ஊர் திரும்பினாலும்

உறவு கூடி

திருமணம் நடத்தி வைத்தாலும்

உன் பெயரும் ,நினைவுகளும்

ஊசலாடும் உயிருக்குள்.

நம்பர் பிளேட் இல்லாத

உன் காதலின்

 மினி பஸ் பயணத்திலிருந்து

யார் என்னை மீட்டெடுப்பது !

-லி .நௌஷாத் கான் -