ஆன்லைன் செயலியில் பெண் தேடிய இளைஞரிடம் பணம், நகையை பறித்த ரவுடி உள்ளிட்ட 5 பேர் கைது

சென்னை: சபல எண்​ணத்​தால் ஆன்லைன் செயலி மூலம் பெண் தேடி, ரவுடி கும்​பலிடம் சிக்கி இளைஞர் ஒரு​வர் பணம், நகையை பறி​கொடுத்​தார். தரு​மபுரியைச் சேர்ந்த 28 வயது இளைஞர் ஒரு​வர், சென்னை சைதாப்​பேட்​டை​யில் தங்கி தனி​யார் நிறு​வனம் ஒன்​றில் பணி​யாற்றி வரு​கிறார்.

இவர் நேற்று முன்​தினம் செயலி ஒன்​றின் மூலம் தனிமை​யில் இருக்க பெண் தேடி​யுள்​ளார். அப்​போது அவரது செல்​போனுக்கு வந்த எண்ணை தொடர்பு கொண்​டுள்​ளார். மறு​முனை​யில் பேசிய நபர், தி.நகர் புதுத் தெரு​வுக்கு வந்து நிற்​கு​மாறு கூறி​யுள்​ளார்.

அதன்​படி, தரு​மபுரி இளைஞர் சென்​றுள்​ளார். அங்கு வந்த சிலர், அவரை அதே பகு​தி​யில் உள்ள வீட்டுக்கு அழைத்​துச் சென்​று, அறை​யில் வைத்து பூட்டி சரமாரி​யாக தாக்கி அவரிட​மிருந்த பணம், நகையை பறித்​தனர். மேலும் ஜிபே மூல​மும் பணத்தை பறிக்க முயன்​றனர்.

ஆனால் ரகசி​யக் குறி​யீட்டு எண்ணை அந்த இளைஞர் கூற மறுத்த​தால், அவரை சரமாரி​யாக தாக்கி ஏடிஎம்​-க்கு அழைத்​துச் சென்று கார்டு மூலம் பணத்தை எடுக்க வைத்து பறித்து விரட்​டி​விட்​டனர்.

சிசிடிவி கேமரா காட்​சிகள்: காயம் அடைந்த இளைஞர் இது தொடர்​பாக மாம்​பலம் காவல் நிலை​யத்​தில் புகார் அளித்​தார். போலீ​ஸார் வழக்​குப் பதிந்து சிசிடிவி கேமரா காட்​சிகள் துணை​யுடன் விசா​ரித்​தனர். இதில் தரு​மபுரி இளைஞரை தாக்கி பணம், நகையை பறித்​தது கண்​ணம்​மாபேட்​டையை சேர்ந்த ரவுடி சரவணன் (28), அவரது கூட்​டாளி​கள் மெக்​கானிக் சுதாகர் (19 ), சரண்​ராஜ் (21) மற்​றும் இரு சிறு​வர்​கள் என தெரிந்​தது.

அனை​வரை​யும் போலீ​ஸார் கைது செய்​தனர். சபல புத்​தி​யால் சிக்​கிய​வர்​களை, கண்​ணம்மா பேட்​டை​யில் காலி​யாக உள்ள ஒரு வீட்​டில் அடைத்து வைத்து பணம் பறிப்​பதை ரவுடி சரவணன் தலை​மையி​லான கும்​பல் தொடர்ந்து செய்து வந்​த​தாக​வும், வெளி​யில் தெரிந்​தால் அவமானம் என பெரும்​பாலானோர் புகார் கொடுப்​ப​தில்​லை எனவும்​ போலீ​ஸார்​ தெரிவித்​தனர்​.