வடகிழக்கு பருவமழையால் தமிழ்நாட்டில் மின்சார தேவை குறைந்தது

சென்னை, அக்., 23- வடகிழக்கு பருவமழையால் கடந்த சில நாட்களாக தமிழ்நாட்டின் மின்சார தேவை குறைந்துள்ளது. தமிழ்நாடு மின் விநியோகக் கழ கத்தின் (TNPDCL) தரவுகளின்படி, புதன் கிழமை மாநிலத்தின் மின்சார தேவை சுமார் 11,651 மெகாவாட்டாக இருந்தது. இது வழக்கமான சராசரி யான 15,000 மெகாவாட்டை விட மிகக் குறைவு. இதனால் அனல் மின் உற்பத்தி கிட்டத்தட்ட 50% குறைந்துள்ளது. இதுதொடர்பாக டிஎன்பிடி சிஎல்லின் மூத்த அதிகாரி ஒருவர் கூறுகையில், “மின்சார தேவை குறை வதற்கு முக்கிய காரணம் ஏசி (ஏர் கண்டிஷனர்கள்) மற்றும் விவசாய மோட்டார்களின் பயன்பாடு குறை வதே ஆகும். சென்னை நகரில் அக்டோபர் 13ஆம் தேதி 3,694 மெகா வாட்டாக இருந்த மின்சாரத் தேவை, செவ்வாய்க்கிழமை (அக். 21) வாக்கில் 2,659 மெகாவாட்டாகக் குறைந்தது. ஒரு வாரத்தில் 1,035 மெகாவாட் சரிவு ஆகும். இதேபோன்ற குறைவான மின்சாரத் தேவை மற்ற மாவட்டங்களி லும் காணப்படுகிறது. குறிப்பாக மேற்கு மற்றும் தென்மாவட்டங்களில் தொடர் மழை காரணமாக நீர்ப்பாசன பம்புகளின் தேவை குறைந்துள்ளது. பருவமழை காலத்தில் மாநிலத்தின் ஒட்டுமொத்த மின் நுகர்வு தொட ர்ந்து குறைவாகவே இருக்கும். புதன்கிழமை (அக். 22) மாநிலம் அதன் அனல் மின் நிலையங்களி லிருந்து 2,037 மெகாவாட் உற்பத்தி செய்தது. ஆனால் வழக்கமான மொத்த உற்பத்தி திறன் 4,320 மெகாவாட் ஆகும். சுவாரஸ்யமாக, மேகமூட்ட மான வானம் இருந்தபோதிலும், மழைக்கு இடையில் அவ்வப்போது சூரிய ஒளி இருந்ததால், சூரிய மின் உற்பத்தி 1,679 மெகாவாட்டாக இருந்தது” என அவர் கூறினார்.