மயிலிறகு (அ) மயிற்பீலி

நீலமேக கண்ணின்

குழலில் சூட்டிய அதிசயமாக

மிளர்ந்தது - மயிர்பீலி

வானத்தின் நீலம்

பூமியைத் தொட முயல...

வீழ்ந்தது - மயிலிறகு

வட்டமிட்ட ஒளியில்

பக்தியின் ரகசியம்

உரைக்கும் கண்ணனின் மயிர்பீலி

மழையின் மந்திரத்தில்

சப்தங்கள் நிசப்தங்களாகி

உதிர்ந்த இயற்கை

மயிலிறகு

அகங்காரம் அகன்று

அலங்கார அழகு மலர...

எளிமையிலே மாயைச் 

செய்யும் மாயனின் மயிற்பீலி...

காயப்பட்ட இதயத்தில்

அமைதியின் அருவமாய்

மனக்கடலை இதமாக 

சுகமாக வருடும் மயிலிறகு...

மயிற்பீலி... மயிலிறகு...

பொருள் ஒன்றே

உணர்ச்சிகள் வேறு

மனிதனோடு...

இறைவன் பேசினால் - மயிர்பீலி 

இயற்கை பேசினால் - மயிலிறகு

நா.பத்மாவதி

கொரட்டூர்