உலகின் முதல் 100 ராணுவ தளவாட தயாரிப்பு நிறுவனங்கள் பட்டியலில் இந்தியாவின் 3 பொதுத் துறை நிறுவனங்களுக்கு இடம்

புதுடெல்லி: ராணுவ தளவாட உற்பத்தியில் உல​கின் முதல் 100 நிறு​வனங்​களின் பட்​டியலில் இந்​தி​யா​வைச் சேர்ந்த 3 பொதுத் துறை நிறு​வனங்​கள் இடம்​பிடித்து அசத்​தி​யுள்​ளன. ஸ்டாக்​ஹோம் சர்​வ​தேச அமைதி ஆராய்ச்சி நிறு​வனம் (சிப்​ரி) வெளி​யிட்ட சமீபத்​திய அறிக்​கை​யில் தெரிவிக்​கப்​பட்​டுள்​ள​தாவது:

ராணுவ தளவாட உற்​பத்​தி​யில் உலகள​வில் முன்​னணி​யில் உள்ள 100 நிறு​வனங்​களின் பட்​டியலில் இந்​தி​யா​வைச் சேர்ந்த மூன்று பொதுத்​துறை நிறு​வனங்​கள் இடம்​பெற்​றுள்​ளன. இந்​துஸ்​தான் ஏரோ​நாட்​டிக்ஸ் (எச்​ஏஎல்), பாரத் எலக்ட்​ரானிக்ஸ் (பிஇஎல்), மசாகன் டாக்ஸ் (எம்​டிஎல்) ஆகிய நிறு​வனங்​கள் அந்​தப் பட்​டியலில் இடம்​பெற்​றிருந்​தா​லும் அதன் விற்​பனை பங்​களிப்பு என்​பது மிக​வும் குறை​வாகவே உள்​ளது. கடந்​தாண்டு நில​வரப்​படி சர்​வ​தேச ஆயுத விற்​பனை​யில் அந்த முன்று நிறு​வனங்​களும் இணைந்து 1.1% பங்​களிப்பை மட்​டுமே வழங்​கி​யுள்ளன என்​பது குறிப்​பிடத்​தக்​கது.

சர்​வ​தேச அளவில் ஆயுத விற்​பனை​ கடந்த 2024-ல் 5.9% அதி​கரித்து சுமார் ரூ.61 லட்​சம் கோடியை எட்​டி​யுள்​ளது. உக்​ரைன், காசா இடையே ஏற்​பட்​டுள்ள மோதல், சர்​வ​தேச மற்​றும் பிராந்​திய அளவி​லான புவி​சார் பதற்​றம் ஆகியவை ராணுவத்​துக்​கான செல​வு​கள் அதி​கரிக்க முக்​கிய காரணங்​களாக அமைந்​துள்​ளன.

முதல் 100 நிறு​வனங்​கள் ஆயுத விற்​பனை பட்​டியலில் 39 நிறு​வனங்​களு​டன் அமெரிக்​காவே ஆதிக்​கம் செலுத்​துகிறது. இவற்​றின் ஆயுத விற்​பனை பங்​களிப்பு 334 பில்​லியன் டாலர். இதைத் தொடர்ந்து சீனா 8 நிறு​வனங்​களு​டன் 88 பில்​லியன் டாலர் விற்​பனையைக் கொண்டு 2-வது இடத்​தில் உள்​ளது.

இந்​தி​யா​வைச் சேர்ந்த எச்​ஏஎல் 3.8 பில்​லியன் டாலர் விற்​பனை​யுடன் 44-வது இடத்​தில் உள்​ளது. இதைத் தொடர்ந்​து, பிஇஎல் 2.4 பில்​லியன் டாலர் விற்​பனை​யுடன் 58-வது இடத்​தி​லும், எம்​டிஎல் 1.2 பில்​லியன் டாலர் விற்​பனை​யுடன் 91-வது இடத்​தி​லும் உள்​ளன. அமெரிக்​கா​வின் லாக்​கீட் மார்ட்​டின் பட்டியலில் முதலிடத்தில் உள்ளது.